Оҳангаронда йирик ёнғин: воқеага ЙТҲ сабаб бўлгани айтилмоқда

^{Фото:ФВВ матбуот хизмати}
28 июнь куни Тошкент вилояти Фавқулодда вазиятлар бошқармасига Оҳангарон шаҳридаги кўп қаватли уйнинг 1-қаватидаги дўконда ёнғин келиб чиққани тўғрисида хабар келиб тушган.

Натижада 190 м.кв. майдони, яъни, дўконнинг шифти ва ички жиҳозлари, озиқ-овқат маҳсулотларига зарар етган.
Қутқарувчиларнинг ҳаракатлари натижасида 90 м.кв. сақлаб қолинди.

Бирламчи маълумотларга кўра, ҳодисанинг келиб чиқишига «Дамас» ҳамда «Зил»-130 автомобилларининг тўқнашуви сабаб бўлган деб тахмин қилинмоқда. Келиб чиққан ёнғинда ҳалок бўлган ва жабрланган фуқаролар бўйича маълумот келиб тушмаган.