Элнур Абдураимов кубалик енгилмас боксчини 2-раунддаёқ нокаутга учратди

^{Фото: «Дарё» / Дилруҳ Исомиддинова}
Профессионал бокснинг енгил вазн тоифасида ҳаракат қилаётган ўзбекистонлик Элнур Абдураимов (9-0, 8 КО) 7 майдан 8 майга ўтар кечаси Лас-Вегасда (АҚШ) ўзининг навбатдаги жангини ўтказди.

Ўзбекистонлик боксчига бу жангда кубалик Мануэль Корреа (11-1, 7 КО) рақиб бўлди. Элнур қарама-қаршиликни фаол бошлади ва рақибини иккинчи раунддаёқ нокаутга учратди.

Шу тариқа Элнур профессионал боксдаги кетма-кет 9-ғалабасини тантана қилди. Қайд этиш керак, ғалабаларнинг саккизтаси нокаут билан қўлга киритилган.