Нидерландия Луи ван Гал қўл остида 10 та ўйиндан буён мағлуб бўлмаяпти

Нидерландия терма жамоаси Миллатлар Лигаси доирасида Бельгия устидан 4:1 ҳисобида ғалаба қозонди.

Нидерландия кетма-кет 10 та ўйиндан буён мағлуб бўлмасдан келмоқда. Бош мураббий Луи ван Гал қўл остида ушбу серия 1 сентябрь куни ЖЧ—2022 саралаши доирасида Норвегияга қарши ўйиндаги 1:1 ҳисобидаги дурангдан сўнг бошланган эди. Шу вақтга қадар нидерландлар 7 та ғалаба ва 3 та дуранг қайд этди.

Нидерландия термаси Миллатлар Лигаси доирасида яна икки марта Уэльс билан, шунингдек, Польша билан тўқнаш келади.