Василий Ломаченко енгилмас рақибини мағлубиятга учратди

Енгил вазн тоифасининг собиқ чемпиони Василий Ломаченко (19-2-0, 11 КО) Тошкент вақти билан 30 октябрь тонгида Нью-Йоркдаги Madison Square Garden’да енгилмас Жемейн Ортисга (16-1-1, 8 КО) қарши рингга кўтарилди.

Жанг тўлиқ 12 раунд давом этди ва ҳакамлар бир овоздан украиналик боксчининг ғалабасини қайд этди — 115-113,116-112,117-111.

Шу тариқа Ломаченко Теофимо Лопесдан учралган мағлубиятдан кейин кетма-кет учинчи ғалабасига эришди. Ортис эса фаолиятидаги илк мағлубиятни қабул қилиб олди.