"Навбаҳор" етакчиси фаолиятини Россия клубида давом эттиради

Россиянинг Metaratings.ru сайти тарқатган хабарга кўра, \"Навбаҳор\" ва Ўзбекистон миллий терма жамоаси ҳимоячиси Рустам Ашурматов фаолиятини \"Рубин\"да давом эттиради.

Футболчи қозонликлар билан 3,5 йиллик шартнома имзолади. Ашурматов янги клуби сафига қишда эркин агент мақомида бориб қўшилади.

Рустам жорий мавсум 28 та ўйинда майдонга тушиб, 2 та гол урган ва битта голга ассистентлик қилган. 26 ёшли фулбек ўз вақтида \"Кванжу\", \"Канвон\" ва \"Бунёдкор\" жамоалари шарафини ҳимоя қилган.

Леонид Слуцкий бошчилигидаги \"Рубин\" Биринчи Лигада 16-турдан кейин 27 очко билан турнир жадвалида 5-ўринда бормоқда.