Узоқ кутилган кун! Бугун Роналду ва Месси майдонда тўқнаш келади

Бугун \"Пари Сен-Жермен\" жамоаси Ар-Риёд юлдузларидан иборат жамоага қарши майдонга тушади.

Шоу сифатида ташкил этилаётган ўртоқлик учрашувида парижликлар \"Ал-Насср\" ҳамда \"Ал-Ҳилол\" клубларининг етакчи футболчиларидан тузилган таркиб билан беллашади. Учрашув Тошкент вақти билан соат 22:00 да старт олиши режалаштирилган.

Риёдликлар таркибида Криштиану Роналду сардор сифатида жамоани майдонга бошлаб тушади. Аввалроқ, баҳс қайдномаси эълон қилинганди.

Роналду ва Месси сўнгги бор 2020 йилнинг 9 декабрида тўқнаш келганди. Ўшанда Криштиану \"Ювентус\", Месси \"Барселона\" шарафини ҳимоя қилган.