Асадхўжа Мўйдинхўжаев ҳам финал йўлланмасини қўлга киритди!

Тошкентдаги \"Ҳумо арена\"да бокс бўйича эркаклар ўртасида жаҳон чемпионати давом этмоқда. Бугун ярим финал жанглари бўлиб ўтади.

-67 кг вазн тоифасида Асадхўжа Мўйдинхўжаев мўғулистонлик Мишеелт Баттумур билан рингга кўтарилди. Ҳамюртимиз қизил формада, унинг рақиби кўк либосда ҳаракат қилди.

Асадхўжа илк раундни ўз фойдасига ҳал этди - 5:0.

Иккинчи раундда ҳам ҳамюртимиз устунликка эришди - 5:0.

Учинчи раундда боксчимизнинг қўли баланд келди - 4:1. Якуний ҳисоб 5:0 Асадхўжа Мўйдинхўжаев фойдасига. Асадхўжа финалга йўл олган учинчи боксчимиз бўлди.