ЕЧЛда бугун финал: "Манчестер Сити" "Интер"га қарши ўйнайди

Бугун клублар ўртасидаги энг нуфузли мусобақа - Европа чемпионлар лигаси финал ўйини ўтказилади.

Мазкур ҳал қилувчи баҳсда Англиянинг \"Манчестер Сити\" клуби Италиянинг \"Интер\" клубига қарши ўйнайди.

Ушбу ўйинга Истанбулнинг \"Ататурк Олимпия стадиони\" мезбонлик қилади. Баҳс Тошкент вақти билан соат 00:00да бошланади.

Ўйинни польшалик ҳакам Симон Марчиняк бошчилигидаги ҳакамлар бригадаси бошқариб боради.