ПСЖ катта истеъдод соҳиби билан шартнома имзоламоқчи

ПСЖ клубининг жорий трансферлар ойнаси вақтида тўхташ нияти йўққа ўхшайди.

Журналист Фабрицио Романонинг маълумотига кўра, 20 ёшли форвард Хави Симонсни жамоага қайтармоқчи. 2022 йили футболчи ПСВ таклифини қабул қилганди ва ўтган мавсумни сенсацион тарзда ўтказди, яъни у 48 ўйинда 22 гол ҳамда 12 ассист қайд этди.

Ушбу футболчини яна клубга қайтариш учун Франция клуби 6 млн евро сарфлайди. Бунга қадар \"Барселона\" ҳам футболчини сотиб олиш учун ишларни олиб бораётган эди.