Неймар фаолиятини Саудия Арабистонида давом эттиради

“ПСЖ” ҳужумчиси Неймар фаолиятини Саудиянинг “Ал-Ҳилол” жамоасида давом эттиради.

Бразилиялик футболчи Саудия Арабистони клубига ўтишга розилик берган.

Парижликлар Неймар учун 90 миллион евро ва бонуслар олади. Хабарларга кўра, ушбу трансфер нархи 120 миллион еврогача етиши мумкин.

Футболчи “Ал-Ҳилол” билан 2 йиллик шартнома имзолайди. Шунингдек, битимда уни яна бир йилга узайтириш ҳуқуқи ҳам мавжуд бўлади.

31 ёшли футболчи “Ал-Ҳилол”даги 2 йили давомида 160 миллион евро ишлаб топади.