Аббосбек Файзуллаев: "Камп Ноу"да ҳеч қачон бўлмаганман, лекин келажакда ўйнашни истайман"

Москванинг ЦСКА клуби ҳужумчиси Аббосбек Файзуллаев болалигида қайси клубни қўллаб-қувватлаганини айтиб берди.

20 ёшли футболчи болалигидан Каталониянинг \"Барселона\" клубига мухлислик қилганини, унинг кумири Лионель Месси эканлигини таъкидлади. Шунингдек, Ўзбекистон терма жамоаси аъзоси \"Камп Ноу\"да ҳеч қачон бўлмаганини, лекин келажакда у ерда ўйнашни жуда хоҳлаётганини айтди.

\"Бу ҳақда гапиришнинг вақти эмас. Мен ЦСКАга мослашдим, шу ерда ўйнашни хоҳлайман ва бутун эътиборимни жамоага ёрдам беришга қаратганман\", - дейди Файзуллаев.

Эслатиб ўтамиз, Файзуллаев ёзда ЦСКАга кўчиб ўтди ва пойтахт жамоаси билан 2026 йилнинг 30 июнига қадар шартнома имзолади.