Самбочиларимиз жаҳон чемпионатида умумжамоа ҳисобида иккинчи бўлишди

10-12 ноябрь кунлари Арманистон пойтахти Ереван шаҳрида самбо бўйича катталар ўртасида жаҳон чемпионати бўлиб ўтди.

Мусобақада иштирок этган самбочиларимиз 2 та олтин, 1 та кумуш ва 3 та бронза медалларини қўлга киритиб, умумжамоа ҳисобида иккинчи бўлишди. Биринчи ўринни FIAS байроғи остида қатнашган россияликлар (13 олтин, 2 кумуш, 3 бронза) эгаллаган бўлса, кучли учликка Қозоғистон (1 олтин, 2 кумуш ва 5 бронза) якун ясади.

Ўзбекистон самбо ассоциацияси матбуот хизмати