Нодирбек Абдусатторов германиялик гроссмейстерни мағлуб этди

Чехия пойтахти Прага шаҳрида Prague International Chess Festival турнири бўлиб ўтмоқда.

5 март, сешанба куни ушбу мусобақанинг 7-тур баҳслари бўлиб ўтди. Унда Абдусатторов Винсент Кеймерга қарши дона сурди ва ғалаба қозонди.

Нодирбек рейтингда 5-ўринга қайтиб, амалдаги жаҳон чемпиони Динг Лирендан атиги 1 бал ортда қолмоқда.

Нодирбек “Prague Masters” да ҳам якка пешқадам, унда 7 та турда 5 очко бор.