Элдор Шомуродов: "Жуда ҳам бахтлиман, Forza Cagliari!"

А Серия 28-туридан ўрин олган \"Кальяри\" - \"Салернитана\" баҳси бўлиб ўтди. Голларга бой ўтган учрашувда сардинияликлар 4:2 ҳисобида ғалаба қозонди.

Жароҳатидан қайтган Элдор Шомуродов иккинчи таймнинг бошида майдонга тушди ва 51-дақиқада \"Кальяри\"даги дебют голини урди. 76-дақиқада эса чап қанотдан рейд уюштириб, яна бор рақиб дарвозасини ишғол қилди ва дублни расмийлаштирди.

Шу тариқа, сардинияликлар А Серия турнир жадвалида 13-ўринга кўтарилиб олди. 28 ёшли ҳужумчи учрашувнинг энг яхши футболчиси бўлди ва беллашув ҳақида ўз фикрлари билан ўртоқлашди.

\"Ассалому алайкум, ҳаммага. Жуда ҳам бахтлиман, 3 очкони қўлга киритдик. Forza Cagliari\", - деди терма жамоамиз сардори.