БРИКС ўйинлари: Боксчи қизларимиз бир қатор медалларни қўлга киритишди

Россиянинг Қозон шаҳрида халқаро БРИКС ўйинлари бўлиб ўтмоқда. Кеча мусобақада бокс бўйича аёллар ва эркаклар ўртасида ярим финал баҳслари бўлиб ўтди.

-54 кг вазнда рингга кўтарилган вакиламиз Нигина Ўктамова, мезбон Наталя Самоҳинани мағлубиятга учратиб финалга йўл олди.

-52 кг вазнда бўлиб ўтган ярим финал баҳсда Феруза Казакова, россиялик Анна Аедмага имкониятни бой бериб, мусобақани бронза медали билан якунлади.

Ситора Турдибекова -57 кг вазнда ҳиндистонлик Сакшига қарши бўлиб ўтган ярим финал баҳсида имкониятни бой бериб қўйди ва бронза медалига эга чиқди.

-63 кг вазнда баҳс олиб борган вакиламиз Дилфуза Бекова, хитойлик Wен Жин Wангга имкониятни бой бериб қўйди ва мусобақани бронза медали билан якунлайдиган бўлди.

-75 кг вазнда рингга кўтарилган боксчимиз Азиза Зокирова венесуеалик Кеидй Гуеварани иккинчи раунддаёқ техник нокаутга учратди.

Мавлуда Мовлонова -70 кг вазнда бўлиб ўтган баҳсда, мезбон спортчиси Людмила Котляровага имкониятни бой берди ва бронза медалга эга чиқди.

Аёллар ўртасидаги сўнги ярим финал баҳсида, -81 кг вазнли боксчимиз Олтиной Сотимбоева хитойлик Лу Женга имкониятни бой бериб қўйди ва бронза медални қўлга киритди.

Эртага финал баҳслари ўтказилади.