Ўзбекистон U23 жамоасининг Олимпиадада иштирок этадиган футболчилари маълум бўлди

Ўзбекистон Олимпия терма жамоаси тарихда илк бор Олимпиадада иштирок этади.

Бош мурабий Тимур Кападзе Парижга борадиган футболчилар рўйхатини эълон қилди. Турнир регламентига мувофиқ, 3 нафар 23 ёшдан юқори футболчилар — Элдор Шомуродов, Остон Ўрунов ва Ҳусниддин Алиқулов жамоага жалб этилди. Тимур Кападзе томонидан тақдим этилган умумий рўйхатдан 23 нафар футболчи жой олди.

^{Фото: “ЎФА”}
Маълумот учун, Париж—2024 Олимпиадасида Ўзбекистон U23 жамоаси Олимпиадада C гуруҳидан жой олди. Ўзбекистон U23 термаси гуруҳда Испания, Доминикан ва Миср каби терма жамоалар билан баҳс олиб боради.