Усик ва Фьюри ўртасидаги реванш жангининг аниқ санаси қачон?

Турки Ал аш-Шайх ижтимоий тармоқдаги саҳифасида янги пост жойлаштирди ва у ерда украиналик Александр Усик ва британиялик Тайсон Фьюри ўртасидаги реванш санасини маълум қилди.

“Тайсон Фьюри – Александр Усик 21.12.2024”, деб ёзган Ал аш-Шайх.

Эслатиб ўтамиз, Усик(22-0, 14 KO) ва Фьюри(34-1-1, 24 KO) ўртасидаги биринчи жанг 19 май куни Саудия Арабистонида бўлиб ўтганди. Тўлиқ 12 раунд давом этган тўқнашувда украиналик боксчи зафар кучган.