"Брайтон" "Челси"ни йирик ҳисобда мағлуб этди

Англия Премьер-лигасининг навбатдаги турида \"Брайтон\" ўз майдонида \"Челси\"ни 3:0 ҳисобида мағлуб этди. Жамоа сафида Каору Митома (27-дақиқада) ва Янкуба Минте (38 ва 63-дақиқаларда) гол уриб, жамоасига муҳим ғалабани тақдим этди.

Статистика бўйича \"Челси\" тўпни 70% назорат қилди ва 702 та узатма амалга оширди, бироқ рақиб дарвозасига бирор марта ҳам аниқ зарба бера олмади. Аксинча, \"Брайтон\" бор-йўғи 30% тўп назоратига эга бўлишига қарамай, 13 марта зарба берди ва улардан 5 таси аниқ бўлди.

Мазкур ғалаба \"Брайтон\"ни турнир жадвалида 8-ўринга олиб чиқди, \"Челси\" эса 43 очко билан 4-ўринда қолди.