«Ал-Наср» – «Ал-Шабаб»: Роналдунинг голи жамоага устунлик берди

Саудия Арабистони чемпионатининг навбатдаги турида «Ал-Наср» ва «Ал-Шабаб» жамоалари ўртасидаги ўйиннинг биринчи тайми 2:1 ҳисоби билан якунланди. «Ал-Наср»нинг биринчи голини 45+2-дақиқада Абдуллоҳ Салим киритди, иккинчи гол эса Криштиану Роналду томонидан 45+7-дақиқада урилди. Шу тариқа португалиялик юлдуз ўз фаолиятидаги 926-голини нишонлади.

«Ал-Шабаб»нинг ягона голи 44-дақиқада пенальтидан Ҳамдалла томонидан киритилди.

Роналду 1000-голлик маррани забт этишга тобора яқинлашмоқда. Унинг Саудия Арабистони чемпионатидаги янада юқори самарадорлиги мухлисларни ҳайратга солмоқда.