Роналду ёзда «Челси» ёки «Ман Сити»га ўтади

Португалиялик машҳур футболчи Криштиану Роналду ёзда Европага қайтиши мумкин, деб \"Bombardir.ru\" хабар берди.

Маълумотларга кўра, Саудия Арабистонининг «Ал-Наср» жамоасида тўп сураётган 40 ёшли ҳужумчига Англия Премьер-Лигасининг етакчи клублари – «Челси» ва «Манчестер Сити» қизиқиш билдирмоқда.

Эҳтимолга кўра, ушбу жамоалардан бири Роналду билан 1 ойлик шартнома тузиб, уни клублар ўртасидаги жаҳон чемпионатида иштирок эттиришни режалаштирмоқда.

Аввалроқ Роналду Англияда «Манчестер Юнайтед» сафида фаолият юритган ва у ерда катта муваффақиятларга эришган.

Жорий мавсумда Роналду «Ал-Наср» жамоаси сафида 36 та ўйинда иштирок этиб, 32 та гол ва 4 та ассист билан ажралиб турибди.