"Навбаҳор" ОКМК устидан қандай қилиб йирик ҳисобда ғалаба қозонди (видео)

Суперлиганинг 13-туридан ўрин олган \"Навбаҳор\" - ОКМК учрашуви ўз ниҳоясига етди.

Қизиқарли ва мурорасиз кечган баҳсда \"лочинлар\"нинг қўли баланд келди (3:0). Дастлаб беллашувнинг 6-дақиқасидаёқ Алишер Одиловнинг супер пасидан сўнг Забиҳулло Ўринбоев ҳисобни очишга муваффақ бўлди. 35-дақиқага келиб эса Гилерме Гедеш орадаги фарқни 2 тага етказиб қўйди. Қўшиб берилган дақиқаларнинг сўнггиси ўтиб бораётган пайтда Педро гол уриб, йирик ҳисоб бўлишини таъминлади.

Ушбу ғалабадан сўнг \"Навбаҳор\" 3 очкони қўлга киритиб, очколар сонини 23 тага етказиб олди ва \"Нефтчи\"га етиб олди. Қосимов бошчилигидаги олмалиқликлар эса 24 очко билан 3-ўринда қолди.