ПСЖ 1/8 финалда "Интер Майами"ни йирик ҳисобда мағлуб этди (видео)

Клублар ўртасидаги Жаҳон чемпионатининг плей-офф босқичидан ўрин олган ПСЖ - \"Интер Майами\" учрашуви якунланди. Луис Энрике бошчилигидаги парижликлар \"Интер Майами\" устидан 4:0 ҳисобида муваффақиятга эришди.

Беллашувнинг 5-дақиқасидаёқ Жоау Невеш ҳисобни очган эди. 39-дақиқага келиб эса яна португалиялик ярим ҳимоячи гол уриб, дублни расмийлаштирди. Биринчи бўлимнинг 44-дақиқаси ўтиб бораётган бир пайтда Ҳакимининг қанотдан узатган паси Авеласга тегиб, дарвоза тўридан жой олди. Шунингдек, марокашлик фулбек ҳам 45+3-дақиқада ўз ҳисобига гол ёздириб қўйди.

Эслатиб ўтамиз, ПСЖ 5 июль куни соат 21:00 да \"Фламенго\" - \"Бавария\" ғолиби билан чорак финалда тўқнаш келади.