"Флуминенсе" "Интер"ни мағлуб этиб, чорак финалга йўл олди

ФИФА Клублар Жаҳон Кубоги 1/8 финал доирасида бўлиб ўтган учрашувда Бразилиянинг \"Флуминенсе\" жамоаси Италиянинг \"Интер\" клубини 2:0 ҳисобида мағлуб этди.

Учрашувнинг 3-дақиқасида Ҳерман Кано ҳисобни очди, 90+3-дақиқада эса Эркюс иккинчи голни урди. Шу тариқа, \"Флуминенсе\" чорак финалга йўл олди.

Статистикага кўра, \"Интер\" тўпга эгалик қилиш (68%), паслар сони (504) ва аниқлиги (87%) бўйича устунлик қилди, бироқ бу ғалаба учун етарли бўлмади. \"Флуминенсе\" эса имкониятлардан унумли фойдаланди.