Ўртоқлик ўйини. "Динамо" "Витебск"ни мағлубиятга учратди
\"Динамо\" клуби Беларус йиғинидаги сўнгги ўйинида бугун \"Витебск\" клубига қарши майдонга тушди. Минскдаги баҳсда Вадим Абрамов шогирдлари ғалаба қозонишди.
33-дақиқада ҳамюртларимизнинг ҳужумидан кейин рақиб ҳимоячиси автоголга сабаб бўлди – 1:0. Иккинчи бўлимда эса захирадан майдонга тушган Беҳрузбек Облоқулов \"Динамо\"нинг иккинчи голига муаллифлик қилди – 2:0.
Шу тариқа, \"Динамо\" кетма-кет иккинчи ўйинда ҳам ғалабага эришди. Жамоа эртага, 26 июл куни Ўзбекистонга қайтади.
\"Витебск\" (Беларус) - \"Динамо\" (Ўзбекистон) – 0:2
Голлар: Янковский 33 автогол, Б.Облоқулов 70.
\"Динамо\": Равшанбек Ягудин, Улуғбек Абдуллаев, Жалолиддин Жумабоев, Олександр Кучеренко, Санжар Қодирқулов, Ратиньо, Дмитрий Плетнёв, Жаҳонгир Абдусаломов, Ричард Фрайдэй, Анваржон Ҳожимирзаев, Улуғбек Ҳошимов.
Захира: С.Каримов, А.Абдурасулов, М.Станоевич, Ф.Абдураҳмонов, Б.Насимов, Б.Облоқулов, М.Мираҳмадов, А.Ҳошимов, Х.Халилов.
Мавзуга оид янгиликлар
Маълумот Меҳмон гуруҳидаги фойдаланувчилар ушбу мақолага изоҳ қолдира олмайди.
