Рақиб ҳимоячиси Ямал ҳақида хавотирланмаслик кераклигини айтди

\"Барселона\" клубидан \"Эльче\"га ижарага олинган ҳимоячи Эктор Форт Ламин Ямал ҳақида фикрларини билдирди. 18 ёшли вингер \"Эль-Класико\" олдидан Мадриднинг \"Реал\" жамоасига нисбатан кескин фикрлар билдирган эди.

Ўйинда \"қаймоқранглилар\" Ямални назорат қилишга муваффақ бўлишди ва 2:1 ҳисобида ғалаба қозонишди. Шундан сўнг, улар ёш футболчининг сўзларини ёдга олишди.

\"Ламин билан ҳаммаси жойида. У нима қилаётганини яхши англайди ва \"Барселона\" унинг учун хавотирланмаса ҳам бўлади.

Ламин ўз фаолиятига тўлиқ эътибор қаратган. Одамлар шунчаки унинг ўйинидан завқланиши керак, чунки у ажойиб футболчи\", деди Форт, испан нашрларига берган интервьюсида.

\"Эльче\" жамоаси \"Барселона\"нинг навбатдаги рақиби бўлади. Учрашув 2 ноябр куни бўлиб ўтади.