ПСЖ ярим ҳимоячиси жароҳат олди

ПСЖнинг ҳужумкор ярим ҳимоячиси Дезире Дуэ Франция чемпионатининг 10-турида \"Лорьян\" жамоасига қарши баҳсда жароҳат олди. Lequipe нашрининг хабар беришича, 20 ёшли вингер сон жароҳати сабаб икки-уч ҳафта давомида сафдан чиқади.

Жорий мавсумда Дуэ саккизта ўйинда майдонга тушиб, учта гол урди ва учта голли узатма берди. \"ПСЖ\" ва \"Лорьян\" ўртасидаги баҳс кутилмаган тарзда 1:1 ҳисобида якунланди.

Ушбу натижадан сўнг Луис Энрике шогирдлари Франция чемпионати турнир жадвалида энг яқин таъқибчидан бир очко фарқ билан пешқадамликни давом эттиришмоқда.