"Барселона" собиқ президенти: атиги икки очко ортда қолмоқда...
\"Барселона\" клуби собиқ президенти Жоан Гаспар Испания чемпионатининг дастлабки ўн туридан сўнг, жамоанинг Мадриднинг \"Реал\" клубидан ортда қолишига муносабат билдирди.
- \"Барселона\" \"Реал Мадрид\"дан беш эмас, балки атиги икки очко ортда қолмоқда. Нимага? Агар Испания чемпионатида ғалабани ўйлаётган бўлсак, буни фақат \"Барселона\"да бўлиб ўтадиган \"Эл-Класико\"дан кейин айта оламиз\", - дейди Гаспар AS нашрига берган интервьюсида.
Эслатиб ўтамиз, ўтган ҳафта охирида \"Реал Мадрид\" ўз майдони — \"Сантьяго Бернабеу\"да \"Барселона\"ни қабул қилди. Хаби Алонсо бошчилигидаги \"қаймоқранглилар\" ушбу учрашувда 2:1 ҳисобида ғалаба қозонди.
Айни дамда \"Реал Мадрид\" 27 очко билан Испания чемпионати турнир жадвалида етакчилик қилмоқда. \"Барселона\" эса 22 очко жамғариб, Ла Лигада иккинчи ўринда бормоқда.
