Мбаппе Ла Лигада ой футболчиси бўлди

Мадриднинг \"Реал\" клуби ҳужумчиси Килиан Мбаппе Испания чемпионатининг октябрь ойидаги энг яхши футболчиси деб топилди. Франциялик футболчи ушбу совринга кетма-кет иккинчи ойда сазовор бўлди.

Октябрь ойида Мбаппе Ла Лигадаги учта ўйиннинг ҳар бирида гол уришга муваффақ бўлиб, \"Реал\"нинг турнир жадвалининг юқори поғоналарида қолишига катта ҳисса қўшди. Аввалроқ, у сентябрь ойида ҳам ушбу мукофотни қўлга киритган эди, ўшанда Мбаппе кетма-кет тўртта ўйинда гол урган эди.

Ҳозирда \"Реал\" 1-ноябрь куни бўлиб ўтадиган \"Валенсия\"га қарши уй учрашувига тайёргарлик кўрмоқда. Мазкур баҳс Москва вақти билан соат 23:00да бошланади.