Барселона 12 йилдаги энг ёмон серияни қайд этди

Барселона яна дарвозаси дахлсизлигини сақлаб қола олмади. Бу сафар Каталония клуби Европа Чемпионлар лигаси доирасидаги ўйинда Бругге клубидан 17-дақиқагача икки бор гол ўтказиб юборди.

Opta маълумотларига кўра, \"кўк-анорранглилар\" кетма-кет тўққизта ўйинда барча турнирларда камида битта гол ўтказиб юбормоқда. Бу жамоа учун 2013-йил март ойидан бери кузатилган энг ёмон кўрсаткичдир.

Мазкур давр мобайнида Ҳанс-Дитер Флик бошқарувидаги жамоа жами 14 та гол ўтказиб юборган. Сўнгги марта Барселона дарвозаси дахлсизлигини 21-сентябр куни Хетафе устидан Ла Лигада 3:0 ҳисобида қўлга киритилган ғалабада сақлаб қолганди.

Бругге ва Барселона ўртасидаги ўйин матний трансляциясини LiveResult.ru сайтида кузатишингиз мумкин.