Лаутаро Мартинес табассум ҳақида гапирди

Милан \"Интер\" жамоасининг бош мураббийи Кристиан Киву Лаутаро Мартинесга кўпроқ табассум қилишни тавсия этган эди. Якшанба куни аргентиналик ҳужумчи гол уриб, \"нерадзуррилар\"ни ўз майдонида Римнинг \"Лацио\" жамоасини 2:0 ҳисобида мағлуб этишда ёрдам берди.

Ўйиндан сўнг, у мураббийнинг сўзларига изоҳ берди. \"Мураббийнинг сўзлари? Мен ўзгармадим. Мен жиддий инсонман, лекин, албатта, сабаб бўлса, табассум қиламан.

Мен шунчаки ўзим шундайман\", — деди Милан грандининг сардори кулимсираб DAZN телеканалига берган интервьюсида. Лаутаро Мартинес жорий А Серия мавсумида 11 ўйинда тўртта гол уришга муваффақ бўлган.