Беларус мураббийи: Жамоамиз муносиб ўйнади

Беларус миллий футбол терма жамоаси бош мураббийи Карлос Алос ЖЧ саралаш босқичида Данияга қарши кечган ўйин ҳақида фикр билдирди. Учрашув 2:2 ҳисобида якунланди.

\"Менинг фикримча, Дания дунёнинг энг кучли бешта жамоасидан бири ҳисобланади. Биз бошдан кечирган қийинчиликларни ҳисобга олсак, ўйинчиларимни фақат табриклашим мумкин.

Гарчи гуруҳдан чиқа олмаган бўлсак-да, мен учун бу натижа катта ютуқдир. Бугун жамоамиз муносиб ўйин кўрсатди\", – деди мураббий Sport TV2 нашрига.

Дания гуруҳда 11 очко билан биринчи ўринда бормоқда. Шотландия 10, Греция 6, Беларусь эса 1 очкога эга. 18 ноябрь куни гуруҳдаги сўнгги турда Шотландия Данияни қабул қилади, Беларусь эса Греция билан учрашади.