Мостовой Кюрасаони ЖЧга олиб чиқмоқчи

Москва "Спартак"и ва Испаниянинг "Сельта" клуби собиқ ярим ҳимоячиси Александр Мостовой Кюрасао миллий терма жамоасини бош мураббий сифатида бошқаришга тайёр эканини маълум қилди. "Мен Кюрасао терма жамоасини бошқаришга ва уларни Жаҳон чемпионатига олиб чиқишга тайёрман!" – дея Мостовойнинг сўзларини келтиради Sport24.

Аввалроқ Голландия мураббийи Дик Адвокат оилавий сабаблар туфайли Кюрасао терма жамоасини тарк этгани маълум бўлган эди. Футболчилик фаолияти давомида Мостовой "Спартак", "Бенфика", "Кан", "Страсбург", "Сельта" ва "Алавес" клубларида ўйнаган.

Россия терма жамоаси сафида эса у 50 ўйинда майдонга тушиб, 10 та гол урган.