Лион Эндрик учун жарима тўлайди

"Реал" ва "Лион" ўртасидаги Эндрикнинг ижараси ҳақида музокараларда янги тафсилотлар пайдо бўлди. The Athletic нашрининг хабарига кўра, келишувга махсус банд киритилган: агар ҳужумчи асосий таркибда етарлича ўйин ўтказмаса, франсуз клуби мадридликларга қўшимча маблағ тўлаш мажбуриятини олади.

Аввалроқ маълум бўлишича, "Реал" 19 ёшли бразилияликни 2026-йилнинг ёзигача сотиб олиш имкониятисиз ижарага беришга тайёр. Унинг маошининг бир қисми Мадрид клубида қолади.

Шунингдек, "Реал" ҳужум чизиғида муаммолар юзага келса, футболчини муддатидан олдин қайтариб олиш ҳуқуқини ўзида сақлаб қолади. Эндрик жорий мавсумда фақат бир нечта дақиқалик ўйин ўтказиб, "Валенсия"га қарши (4:0) ўйиннинг сўнгида майдонга тушган эди.