Мастантуоно Ямални тан олди

Мадриднинг "Реал" клуби вингери Франко Мастантуоно "Барселона"нинг ёш иқтидорли футболчиси Ламин Ямал билан ўзини таққослаб, кутилганидан пастроқ баҳо берди. "Менми ёки Ямал?

Ҳозирча – Ламин. У ажойиб даражадаги ўйин намойиш этмоқда.

Мен эса эндигина Мадридга келганман ва мослашув жараёнида бўлиб турибман. Умид қиламанки, "Реал" билан узоқ ва муваффақиятли тарихни бирга яратамиз," – деди аргентиналик футболчи El Larguero интервьюсида.

Эслатиб ўтамиз, "Қироллик" клуби Мастантуонони жорий йил ёзида "Ривер Плейт"дан 45 миллион евро эвазига сотиб олган эди.