Кобби Майну «Манчестер Юнайтед»ни тарк этмоқчи

«Манчестер Юнайтед» ярим ҳимоячиси Кобби Майну яна жамоани тарк этишни режалаштирмоқда. Бу ҳақда Calciomercato хабар бермоқда.

Майнунинг клуб билан янги шартнома бўйича музокаралари тўхтатилган, чунки 20 ёшли футболчи январ ойида ўйин амалиётини ошириш мақсадида «Наполи» клубига ижарага ўтишни кўриб чиқмоқда. Ҳозирги кунда Майнунинг «Манчестер Юнайтед» билан шартномаси 2027 йил июн ойигача амал қилади.

Жорий мавсумда «Манчестер Юнайтед» академияси тарбияланувчиси барча турнирларда саккизта ўйинда майдонга тушиб, бир ассистга муаллифлик қилган. Transfermarkt маълумотларига кўра, футболчининг трансфер нархи 45 миллион еврога баҳоланган.