Ювентус Кенан Йилдизни сақлаб қолмоқчи

Ювентус клуби вакили Жоржо Кьеллини жамоа ярим ҳимоячиси Кенан Йилдизнинг келажаги ҳақида фикр билдирди. "Биз Кенан Йилдиз билан янги шартнома устида ишлаяпмиз, шунинг учун хотиржам бўлинг.

Барча томонлар бир хил мақсадга эга, биз ҳамкорликни давом эттиришни режалаштиряпмиз," — деди Кьеллинининг сўзларини келтирмоқда журналист Фабрицио Романо. Кенан Йилдиз 2022 йилдан бери Ювентус сафида ўйнаб келмоқда.

Жорий мавсумда 20 ёшли турк футболчиси барча мусобақаларда 14 та ўйинда майдонга тушиб, 3 та гол ва 4 та голли узатмани амалга оширди. Йилдизнинг амалдаги шартномаси 2029 йилнинг ўрталарига қадар мўлжалланган.

Трансфермаркт экспертларига кўра, футболчининг қиймати 75 миллион еврога баҳоланган.