Ўзбекистонлик мураббий Қирғизистон клуби бош мураббийи бўлди

Ўзбекистонлик мураббий Дмитрий Ан Қирғизистонда иш бошлади. Бу ҳақда ОАВ хабар берди.

Маълумотларга кўра, Ан \"Нефтчи Кочкор-Ата\" футбол клубига бош мураббий этиб тайинланди. 51 ёшли мутахассис узоқ йиллар давомида Тошкентнинг \"Пахтакор\" клуби тизимида фаолият юритган, ўтган мавсумда эса \"Навбаҳор\" академиясида ишлаган.

Таъкидлаш жоиз, \"Нефтчи Кочкор-Ата\" Қирғизистон чемпионатида 9-ўринни эгаллаб турибди. Клуб таркибининг умумий қиймати 1,5 миллион еврога баҳоланмоқда.