Улви Бабаевнинг ўсиши таҳсинга лойиқ

Россия ёшлар терма жамоаси мураббийи Иван Шабаров Улви Бабаевнинг сўнгги ўртоқлик учрашувларидаги ўйини ҳақида фикр билдирди. \"У жамоада йўқлиги даврида катта ўсишга эришди.

Ажойиб! У кўрсатаётган тараққиёт терма жамоага ҳам ўз таъсирини ўтказди,\" — дейди Шабаров \"Спорт-Экспресс\" нашрига.

Мутаҳассиснинг таъкидлашича, Бабаев бошқа футболчилар учун ўрнак бўла олади, чунки у терма жамоа сафида ҳар доим ўзини тўлақонли бағишлайди. Жорий мавсумда 21 ёшли вингер \"Динамо\"нинг асосий таркибида 12 ўйинда майдонга тушиб, бешта гол уришга муваффақ бўлган.

Аввалроқ Бабаевга Москванинг \"Спартак\" клуби қизиқиш билдираётгани ҳақида хабарлар тарқалган эди.