Ганц: Ҳар доим Леауга ишонганман

Италиянинг "Милан" клуби собиқ ҳужумчиси Маурисио Ганц Рафаэл Леау муваффақиятларидан мамнун. Ганцнинг сўзларига кўра, у ҳар доим португалиялик ҳужумчининг улкан салоҳиятига ишонган.

"Унинг ўйини мени ажаблантирмайди, мен ҳар доим унга яхши муносабатда бўлганман ва унинг кучи ҳамда кескин ҳужумларига ҳурмат билан қараганман. У дарвоза олдида хавфли, ўйин марказида эмас.

Аллегри унинг майдондаги позициясини тўғри аниқлаб берди. Леау тезкорлик билан ўйинни рақиб дарвозаси томон яқинлаштиради", – деди Ганц pianetamilan.it сайтига берган интервьюсида.

Эслатиб ўтамиз, Рафаэл Леау 2019-йилдан буён "Милан" сафида тўп сурмоқда. У бунга қадар Франциянинг "Лилль" ва Португалиянинг "Спортинг" клубларида фаолият юритган.