Арне Слот: 0:3 ҳисобидан кейин ҳам мухлислар куйлашди

“Ливерпул” бош мураббийи Арне Слот “Ноттингем Форест”га 0:3 ҳисобида ютқазган ўйиндан сўнг жамоа кайфияти ҳақида фикр билдирди.

“Жамоамизнинг кайфияти ёмонми? Бу табиий ҳолат. 0:3 ҳисобида мағлубиятдан кейин қандай ҳолатда бўлишимиз керак эди? Бу нормал ҳолат. Олдинда Чемпионлар Лигаси ўйинлари бор. Футболчилар ўзларида куч топиб, қайта олдинга интилишлари керак.

“Энфилд”да 0:3 ҳисобида мағлубиятга учрашимиз камдан-кам ҳолларда бўлади. Мен футболчиларга ўйиндан кейин мухлислар барибир қўшиқлар куйлаётганини айтдим. Ҳисоб 0:3 бўлганида кимдир стадионни эрта тарк этганини ғайриоддий ҳолат деб ҳисобламайман,” - дейди Сло BBC нашрига.

“Ливерпул” Чемпионлар Лигаси доирасида “ПСВ”га қарши ўйинни чоршанба, 26 ноябрь куни ўтказади.