Пранделли: Конте жамоани яна руҳлантирди

Италия терма жамоасининг собиқ бош мураббийи Чезаре Пранделли Антонио Конте ҳолати ҳақида фикр билдирди. Маълум бўлишича, Конте "Наполи" жамоаси ўтган турда "Болонья"га ютқазганидан сўнг бир неча кун давомида жамоа билан алоқа қилмаган.

Пранделлининг фикрига кўра, Конте жамоани яна руҳлантириб, "Аталанта" устидан қозонилган ғалабадан кейин уларни бирлаштиришга муваффақ бўлган. "Эҳтимол, унга барча нарсани қайта таҳлил қилиш учун 2-3 кун керак бўлган.

У ҳаммага ўтган йилги чемпионлик мавсумида ишлагандек ишлаш кераклигини тушунтирди", – деди Пранделли pianetamilan.it манбасига. Ҳозирда "Наполи" А Серия турнир жадвалида вақтинчалик биринчи ўринга қайтди.