Лапорта: Камп Ноудаги муҳит бошқача

Барселона президенти Жоан Лапорта янгиланган "Камп Ноу" стадионидаги биринчи ўйиндан кейинги фикрлари билан ўртоқлашди. Каталония клуби ўз майдонига қайтишни "Атлетик Бильбао" устидан 4:0 ҳисобидаги йирик ғалаба билан нишонлади.

"Монжуйк" стадиони бизни вақтинча қутқариб қолди, аммо "Камп Ноу"даги муҳит бутунлай бошқача. Бу ҳақиқий футбол стадиони, мухлислар тўғридан-тўғри майдон ёнида жойлашган.

Қурилишнинг энг мураккаб қисми якунланди, энди қолган ишлар янада тезроқ амалга оширилади. Мақсадимиз – жараённи 2026-йилгача якунлаш", – дея таъкидлади Лапорта The Touchline нашрига берган интервьюсида.

Барселонанинг кейинги уй учрашуви 29-ноябрь куни "Алавес"га қарши бўлиб ўтади. Бироқ бунга қадар Ханс-Дитер Флик жамоаси Чемпионлар лигаси доирасида Лондонда "Челси"га қарши баҳс олиб боради.