Флик: Жароҳатлардан нолимаймиз, фақат олдинга!
“Барселона” бош мураббийи Ханс-Дитер Флик жамоа ҳолати ҳақида ўз фикрларини билдирди. Шанба куни каталонияликлар “Атлетик Бильбао”га қарши ўйинда 4:0 ҳисобига ғалаба қозонишди.
Асосий таркибдан жароҳатдан тузалган Хоан Гарсия ва Ламин Ямал майдонга тушди, шунингдек, ўйин сўнгида Рафинья Диас ҳам майдонга чиқди. Аммо жароҳатлар муаммоси ҳали ҳамон долзарб: Педри, Гави ва Маркус Рэшфорд “кўк-анорранглилар”га “Камп Ноу”га қайтгандан кейинги илк учрашувда ёрдам бера олмадилар.
\"Мен ижобий кайфиятдаман ва барча футболчиларимизга ишонаман. Жамоамизда жуда кўп яхши футболчилар бор – биз жароҳатлардан шикоят қилмаймиз.
Мавжуд таркибга эътибор қаратиб, ишимизни давом эттиришимиз лозим,\" – дея таъкидлади Флик ўйиндан кейинги интервьюсида. Келаси сешанба куни “Барселона” Чемпионлар Лигаси доирасида сафарда “Челси” билан куч синашади.
