ПСВ “Энфилд”да тарихий ғалаба қозонди

Чемпионлар лигаси гуруҳ босқичи 5-турида яна бир кутилмаган натижа қайд этилди. “Ливерпул” ўз майдонида Нидерландиянинг ПСВ жамоасига 1:4 ҳисобида имкониятни бой берди.

Бу “Ливерпул” тарихида Еврокупоклар доирасида ўз уй стадиони “Энфилд”да иккинчи марта тўртта гол ўтказиб юбориши бўлди. Биринчи ҳолат 2023-йилнинг февраль ойида Мадриднинг “Реал” клубига қарши ўйинда рўй берган эди.

Ўшанда “Ливерпул” дастлаб 2:0 ҳисобида олдинга чиққан, аммо якунда 2:5 ҳисобида мағлуб бўлганди. Энди “Ливерпул” Чемпионлар лигасидаги навбатдаги ўйинини меҳмондаги “Интер”га қарши ўтказади.