Аргентинада Месси ҳайкали яна вандализмга учради

Аргентинада Лионель Месси ҳайкали яна вандализм қурбони бўлди. Diario Registrado нашрининг хабарига кўра, якшанба куни эрталаб номаълум шахслар Мар-дель-Плата марказидаги бар ёнида ўрнатилган ҳайкални бузиб ташлашган.

Ҳайкал икки қисмга бўлинган: бош ва юқори қисми алоҳида жойда ётган ҳолатда топилган. Бу аргентиналик футболчиларга бағишланган ёдгорликлар билан боғлиқ биринчи ҳодиса эмас.

Бунгача Буэнос-Айресда дарвозабон Эмилиано Мартинес тасвири туширилган мурал ҳам зарар кўрган эди. Месси ҳайкали эса аввалги вандализм таъсиридан кейин қайта тикланган эди.