Вьерининг майдонга соғинчи

Собиқ италиялик ҳужумчи Кристиан Вьери майдонга бўлган соғинчи ҳақида гапирди. У футбол ўйнашга, ҳатто профессионал бўлмаса ҳам, катта иштиёқ сезаётганини айтди.

Шу сабабли, ҳар сафар стадионга келиб, бошқаларнинг ўйинини кузатганида, қалбида катта ғам-ғусса пайдо бўлишини маълум қилди. "Майдонни жуда соғиндим.

Ҳар сафар стадионга келганимда, жуда хафсалам пир бўлади. Ҳали ҳам кўп энергияга эгаман, майдонга қайтишни хоҳлайман.

Бу ҳақда Тотти билан суҳбатлашдик, у бундай мавзуларда гаплашиш учун тўғри инсондек кўринади", – деди Кристиан Вьери La Repubblica нашрига берган интервьюсида. Эслатиб ўтамиз, Вьери ўз фаолиятини 2009 йилда якунлаган эди.