Хаби Алонсо: "Ҳозир мен керакли жойдаман"

Мадриднинг "Реал" жамоаси бош мураббийи Хаби Алонсо "Ливерпул" клуби билан боғлиқ миш-мишларга ўз муносабатини билдирди. "Кўпчилик мени келажакда "Ливерпул" бошқарувчиси сифатида кўрмоқда..." "Ҳозир мен бу ерда, ўзим хоҳлаган жойдаман", - деди Алонсо сешанба куни ўтказилган матбуот анжуманида.

Шунингдек, у "Сельта" билан ўтказилган ўйиндан сўнг клуб раҳбариятидан қўллаб-қувватлаш олганми деган саволга жавоб берди: "Бизда доимий мулоқот мавжуд. Ишонч, бирлик ва эътибор орқали ишлаяпмиз.

Биз ягона жамоамиз." Эслатиб ўтамиз, "Реал" якшанба куни "Сельта"га ўз майдонида 0:2 ҳисоби билан мағлуб бўлди. Энди эса улар 10-декабр чоршанба куни Чемпионлар лигаси доирасида "Манчестер Сити" билан ўйинга тайёргарлик кўрмоқда.