Энтони Гордон Алан Ширер рекордини такрорлади

Ньюкасл жамоаси футболчиси Энтони Гордон Чемпионлар лигаси бир мавсумида гол ва голли узатмалар бўйича клуб рекордини такрорлади. Чоршанба куни 24 ёшли вингер Леверкузеннинг Байер клубига қарши ўйинда битта гол урди ва битта голли узатма амалга оширди.

Учрашув 2:2 ҳисобида якунланди. Гордон жорий Чемпионлар лигаси мавсумида Ньюкаслнинг еттита голида бевосита иштирок этди (5 гол ва 2 узатма).

Squawka маълумотларига кўра, бу натижа Ньюкаслнинг афсонавий собиқ ҳужумчиси Алан Ширер томонидан 2002/03 йилги мавсумда ўрнатилган рекордга тенглашмоқда. Эдди Хау бошчилигидаги жамоа умумий мусобақа жадвалида олти турдан кейин 10 очко жамғарган ҳолда 12-ўринда жойлашган.