Рубен Диаш Эрлинг Холаннни жамоа етакчиси деб атади

«Манчестер Сити»нинг асосий ҳимоячиси Рубен Диаш жамоадоши, норвегиялик марказий ҳужумчи Эрлинг Холанн ҳақида фикр билдирди. «Эрлинг жуда кучли.

Шу руҳда давом этсин. У жамоамизнинг бутун қудратини намоён қиляпти, у етакчилардан бири.

Унинг статистикаси ҳануз жуда чанқоқлигини кўрсатади. Клубдаги бошқа футболчиларда ҳам шундай кайфият бўлиши керак», — дея Диашнинг сўзларини Sky Sports келтирди.

2025/2026 йилги мавсумда скандинавиялик тўпурар 21 учрашувда майдонга тушиб, 21 гол урди ва 3 голли пас берди. 25 ёшли Холанннинг трансфер қиймати 200 миллион еврога баҳоланмоқда.

Норвегиялик футболчининг «Манчестер Сити» билан шартномаси 2034 йил июн ойи охиригача амал қилади.