Руи Кошта Италия ва у ердаги дўстларини соғинишини айтди

Португалиялик собиқ футболчи, ҳозирда Лиссабоннинг «Бенфика» клуби президенти бўлган Руи Кошта Италияни жуда соғинишини тан олди. У футболчилик фаолиятининг катта қисмини айнан Италияда ўтказган: аввал «Фиорентина», кейин эса «Милан» сафида тўп сурган.

«Афсуски, «Бенфика» каби клуб президенти сифатида бошқа нарсаларга вақтим жуда кам. Мен ҳам Флоренцияни, ҳам Миланни жуда соғинаман.

Италияда кўплаб дўстларим бор, у ерга борганимда эса ҳар сафар ҳамманинг ҳолидан хабар олишга улгурмайман. Бу оғриқли», — дея Коштанинг сўзларини pianetamilan.it келтирди.

Эслатиб ўтамиз, Португалия чемпионатининг 14-туридан сўнг «Бенфика» турнир жадвалида учинчи ўринда бормоқда.